បរទេស៖ ក្រុមហ៊ុន Rolls-Royce ជឿជាក់ថា យន្តហោះ Spirit of Innovation របស់ខ្លួនអាចជាយន្តហោះលឿនបំផុតរបស់ពិភពលោក
ដែលប្រើប្រាស់ថាមពលអគ្គិសនីទាំងស្រុង។ ក្រុមហ៊ុនដែលមានទីស្នាក់ការកណ្ដាលផ្នែកផ្លូវអាកាសនេះ
ស្ថិតនៅក្នុងទីក្រុង Derby បាននិយាយថា
យន្តហោះនេះបានឈានដល់ល្បឿនអតិបរិមា៦២៣គីឡូម៉ែត្រក្នុងមួយម៉ោង
កំឡុងពេលធ្វើការសាកល្បង នៅទីតាំងធ្វើតេស្ដពិសោធន៍។ វាត្រូវបានគេគិតថា
បានបង្កើតកំណត់ត្រាពិភពលោកថ្មី លើចម្ងាយបីផ្សេងគ្នា។ តួលេខនេះត្រូវបានបញ្ជូនទៅសហព័ន្ធកីឡាអាកាសពិភពលោក
ដើម្បីធ្វើការផ្ទៀងផ្ទាត់។ ការហោះហើរសាកល្បងបានធ្វើឡើងនៅមូលដ្ឋានទ័ពអាកាស Boscombe
Down នៅក្រុង Amesbury ក្នុងតំបន់ Wiltshire នៅថ្ងៃទី១៦ ខែវិច្ឆិកា។ ការសម្រេចបាននូវល្បឿនកំពូលនេះត្រូវបានធ្វើឡើងដោយ
លោក Phill O'Dell។ Rolls-Royce
បាននិយាយថា យន្តហោះ Spirit of Innovation
មានល្បឿនជាង២១៣.០៤គីឡូម៉ែត្រក្នុងមួយម៉ោង លឿនជាងកំណត់ត្រាមុន ដោយក្រុមហ៊ុន Siemens
eAircraft ដំណើការដោយយន្តហោះ Extra 330 LE
Aerobatic ក្នុងឆ្នាំ២០១៧។ ក្រុមហ៊ុន Roll-Royce បាននិយាយថា យន្តហោះរបស់ខ្លួនមានកញ្ចប់ថ្មដែលមានថាមពលខ្លាំងបំផុត
ដែលអាចសាកទូរសព្ទ៧,៥០០គ្រឿង៕
ប្រភព: BBC